आयो क्यामरा वाला टुथब्रस, अब आफै देख्नुस् मुखभित्रको हालत
अमेरिकाको सिएटलमा रहेको एक कम्पनीले अतिसुक्ष्म भिडियो क्यामरा भएको टुथब्रस ल्याएको हो । यो ब्रसले दाँत माझिरहेको बेला आफ्नो मुखभित्रको सबे दृश्य क्यामराले खिचेर देखाइदिन्छ । प्रोफिक्स नामक यो टुथब्रसलाई विल्मेट अमेरिकाका दन्त चिकित्सक क्रेज कोहलरले बनाएका हुन् । सन् २०१७ सम्ममा यसलाई बजारमा पठाइनेछ र यसको मूल्य ३९९ डलर तोकिएको छ ।
यो टुथब्रसले दाँत माझिरहँदा मुखभित्र खिचेका भिडियोलाई ब्लुटुथ मार्फत स्मार्टफोनमा पठाउनेछ । यसअर्थमा यो टुथब्रसमार्फत मुखभित्रको सफाइको दृश्यलाई लाइभ हेर्न सकिनेछ । स्मार्टफोनमा आफ्नो मुखभित्रका सबै दृश्य हेर्न र मुखको स्वास्थ्यमा सचेत रहन यसले मद्धत गर्नेछ ।
0 comments
Write Down Your Responses