सुर्खेतमा १२ को परीक्षा सकेर फर्केका दुई किशोरीलाई बाढीले बगायो: भिडियो सहित
जिल्लाको पूर्वी गाविस काफलकोट निवासी दुईजना किशोरीको बाढीले बगाउँदा ज्यान गएको हो । स्थानीय सिर्पा खोलामा आएको बाढीले उनीहरुलाई बगाएको थियो ।
काफलकोट–३ निवासी १९ वर्षीया हिमा बुढा र २० वर्षीया विपना बुढाको बाढीमा बगेर ज्यान गएको जिल्ला प्रहरी कार्यालयले जनाएको छ ।
कक्षा १२ को परीक्षा सकेर घर फर्कने क्रममा उनीहरुलाई बिहीबार साँझ बाढीले बगाएको थियो । छिमेकी गाविस बजेडीचौरमा रहेको भानु उच्च मावि परीक्षा केन्द्रमा परीक्षा सकेर आफ्नो घर फर्कने क्रममा उनीहरुलाई बाढीले बगाएको थियो । बाढीले बगाउँदा वेपत्ता भएका उनीहरुको शव शुक्रवार दिउँसो फेला परेको हो ।
ज्यान गुमाउने हिमा र विपना सानीमा र भतिजी रहेको उच्च मावि बजेडिचौरका शिक्षक रुद्र केसीले जानकारी दिए । बिहीवार अन्तिम दिनको परीक्षा सकेर घर फिर्ता हुने क्रममा उनीहरुलाई बाढीले बगाएको थियो ।
0 comments
Write Down Your Responses