• HOME
  • NEWS
  • VIDEOS
  • ENTERTAINMENT
  • INTERVIEW
  • HEALTH
  • SPORT
  • POLITICS
  • ARTICLE
  • TECHNOLOGY
Your are browsing : Articles

एजेन्सी , बेलायतमा केहि दिन अघि भिमकाय शरीर भएको मुसा भेटिएको छ । मध्य लन्डनको एक ग्यास स्टेसनमा उक्त मुसा भेटिएको हो । ग्यास स्टेसनमा मुसाले अति दु:ख दिएपछि मुसालाई मर्न विष राखिएको थियो । ग्यास स्टेसनमा काम गर्ने जेम्स गि्रनले राखेको बिष खाएर उक्त भिमकाय मुसा मरेको हो । मरेको मुसाको फोटो सामजिक सन्जालमा राखे पछि भाइरल भएको थियो । बेलायतका मुसा विज्ञ रोबट जेनका अनुसार उक्त मुसा ग्याम्बियन पाउच्ड प्रजातिको हो र यो मुसाको लम्बाइ ४ फिट सम्म हुने गर्दछ ।निकै बुद्धिमान मानिने यो मुसाको दृष्टि क्षमता निकै कम हुने गर्दछ ।
असार २०, काठमाडौँ ।  तल दिईएको तस्बिर हेर्ना साथ तपाईले यो सामाजिक संजाल फेसबुकमा गरिने व्यङ्ग्यमा आउने मानिसको तस्बिर भनेर चिन्नु हुन्छ । तर यी व्यक्तिका बारेमा अन्य जानकारी तपाईलाई नहुन सक्छ । कतिपयले त सो तस्बिर केवल स्केच भएको ठान्छन्, जुन गलत हो । यो त वास्तविक ब्यक्ति कै फोटो हो । 


हेरौ यी ब्यक्ति को हुन्, र कसरी यिनको तस्बिर व्यङ्ग्यमा प्रयोग हुन थाल्यो ?

यी ब्यक्ति नेपालका नभई चीनियाँ चर्चित बास्केट बल खेलाडी याओ मिङ हुन् । व्यङ्ग्यमा देखिने सेतो तस्बिर यिनकै फोटोको स्केच हो । १८ वर्षको हुँदा उनले सन् २००२ मा चीनको राष्ट्रिय समूहबाट बास्केटबल खेल्न सुरु गरिसकेको थिए । सन् २००९ मे महिनामा खेलपछि भएको पत्रकार सम्मेलनमा उनले त्यस्तो अनुहार बनाएका थिए । त्यसपछि एकजना चित्रकारले सो फोटोको सेतो स्केच बनाई व्यङ्ग्यमा प्रयोग गर्ने निर्णय गरका थिए । त्यसपछि उनको सो तस्बिर व्यङ्ग्यमा देखिन थालेको हो । उनी ७ फिट ६ इन्च अग्ला छन् ।
असार;१६
 एन्टार्कटिकाको ९८ प्रतिशत भुभाग सधै हिउँले ढाकेको हुन्छ ।हिउँले सधै सेतो देखिने यो महादेशमा रगतजस्तै रातो पानी बग्ने झरना पनि छ । सुन्दा निकै आश्चर्य पनि लाग्नसक्छ । वास्तवमा
यो सेतो महादेश एन्टार्कटिकामा रातो रगतझै झर्ने झरना पनि छ । यो झरना रगतझै रातो हुनुको मुख्य कारण पानीमा भएको आइरन अक्साइडले हावासँग रासायनिक प्रतिक्रिया गर्दा रातो रंगमा बदलिएको हो ।

एन्टार्कटिकाको म्याकमर्डोस्थित टायलेर हिमनदीमा एउटा यस्तो झरना छ जसमा बग्ने पानीको रंग रगत जस्तै रातो छ ।यो झरनाको पानीको रंगकै कारण यसको नाम पनि रक्ते झरना अर्थात् ब्लड फल्स राखिएको छ ।

अस्ट्रेलियन जिव वैज्ञानिक ग्रिफिथ टायलरले सन् १९११ मा यो झरना पत्ता लगाएका थिए । यो झरनाको उचाई ललगभग पाँच तले भवन जत्तिकै छ भने याहाँको पानीमा विभिन्न १७ प्रजातिका सुक्ष्म जिवहरु पाइने वताइन्छ ।
एजेन्सी । संसारकै बहुमुल्य बस्तु हिराको चर्चा सदावहार हुने गरे पनि आज हामी विश्वकै सबै भन्दा ठूलो हिराको कुरा गर्दैछौँ । अझ भनौँ नकाटीएको हिराको कुरा ।
जुन लामो समयदेखि लिलामीका राखिएपनि बिक्री भएको छैन । जसको नाम हो ‘लेसेडी ला रोना’ । टेनिस बलको आकारमा रहेको १, १०९ क्यारेटको यो हिरा दुई अर्ब ५० करोड वर्ष पुरोनो भएको अन्तराष्ट्रिय संचारसंस्थाहरुको दाबी छ । जुन गत वर्ष मात्र फेला परेको थियो ।
अन्तराष्ट्रिय संचार संस्थाहरुका अनुसार गएको नोभेम्बरमा बोट्सवानामा उत्खनन्को क्रममा लेसेडी ला रोना फेला परेको थियो । मंगलबार लण्डनमा यो हिरा न्युनतम मूल्य सात करोड अमेरिकी डलर सहित लिलामीका लागि राखिएको छ ।

यद्यपी यो हिरालाई अहिलेसम्म अधिकतम बोली ६ करोड १० लाख डलर मात्रै दिन मानिसहरु तयार भएपछि हिरा त्यत्तिकै थन्किएको छ । प्रशोधन नगरिएको अहिलेसम्म कै ठूलो हिरा सबैभन्दा गुणस्तरको भएको बेलायत सरकारले जनाएको छ ।


एजेन्सी । मानिसहरुले आफ्नो अनुहारको विशेष ख्याल र सुरक्षा राखेको पाइन्छ । तर अनुहारको भन्दापनि आँखाको बढी ख्याल गर्नुपर्ने चिकित्सकहरु बताउँछन् । बाहिर हिँड्दा वा घाममा काम गर्दा आँखाका लागी सनग्लास सबैभन्दा अत्यावश्यक चिज हो । जस्ले आँखालाई कैयौँ समस्याबाट बचाउँछ । आँखालाई मुख्य रुपमा बिहान र साँझको समयमा विशेष ख्याल पुर्याउनुपर्ने हुन्छ ।
उदाउँदो सूर्यको किरण शरीरका अन्य भागहरुलाई महत्वपूर्ण भएपनि यो आँखाको लागी हानिकारक हुन्छ । यस्तो समयमा अनिवार्य रुपमा सनग्लास लगाउनु उपयुक्त हुन्छ । केवल चर्को घाममा मात्रै नभई बाल्लीएको समयमा सन ग्लास वा अर्को सामान्य चश्मा अनिवार्य रुपमा लगाउँदा आँकालाई सहज महशुस हुन्छ ।

घाम नलाग्दाको समयमा पनि किरणको मात्रा पहिलेभन्दा जम्मा १० प्रतिशत मात्रै कम हुने हो । सनग्लास किन्दैमा मात्रै आँखाको सुरक्षा हुने होइन, तपाईले किनेको सनग्लासको क्वालीटिले पनि तपाईको आँखाको आयू निर्धारण गर्न सक्छ ।

संसारका करोडौं मानिसहरु क्यान्सरबाट पीडित छन् । क्यान्सर अहिलेसम्मकै सबैभन्दा घातक रोग हो । तर रुसी वैज्ञानिक ह्रिस्टो मेर्मेर्सकीले क्यान्सरको प्राकृतिक उपचार पत्ता लगाएको दावी गरेका छन् ।
रुसका वैज्ञानिक ह्रिस्टोले घरमै बनाउन सकिने यस्तो औषधी पत्ता लगाएका छन्, जसको प्रयोगले विभिन्न प्रकारका प्राणघातक क्यान्सर रोगबाट बचाउन सन्छ ।

औषधी तयार बनाउन चाहिने सामग्री
४०० ग्राम ताजा ओखर
४०० ग्राम क्वाँटी (अंकुरित गेडागुडी एवम् अन्न)
१ किलो प्राकृतिक मह
१२ पोटी ताजा लसुन
१५ वटा ताजा कागती

क्वाँटी तयार पार्ने तरिका
काँचको भाँडामा केही गेडागुडी राख्नुहोस् र डुब्नेगरी पानी राख्नुहोस् । यसलाई एक रात यत्तिकै छाडिदिनुहोस् र अर्को बिहान गेडागुडीबाट पानी निकाल्नुहोस् र त्यसलाई राम्रोसँग पखाल्नुहोस् । उक्त सफा गेडागुडीलाई काँचको भाँडामा छोपेर २४ घन्टासम्म राख्नुहोस् । यसपछि टुसाएको गेडागुडी वा क्वाँटी तयार हुन्छ ।
औषधी तयार पार्ने तरिका
लसुनको पोटी, ओखर र क्वाँटीलाई एकैठाउँमा मिसाएर पिस्नुहोस् ।
५ वटा कागती बोक्रा नछोडाइकन पिस्नुहोस् ।
बाँकी १० वटा कागतीलाई निचोरेर रस उक्त मिश्रणमा राख्नुहोस् र सबै कुरालाई राम्रोसँग मिक्स गर्नुहोस् ।
उक्त मिश्रणलाई महमा काठको चम्चा प्रयोग गर्दै राख्नुहोस् ।
उक्त मिश्रणलाई एउटा काँचको भाँडामा राख्नुहोस् र फ्रिजमा राख्नुहोस् । यसलाई तीन दिनको लागि फ्रिजमा राखेपछि औषधीको रुपमा सेवन गर्नुहोस् ।

डा. मेर्मेर्सकीका अनुसार तयार भएको औषधीलाई सुत्नुभन्दा आधा घण्ठा पहिला खानुहोस् र हरेकपटक खाना खानुभन्दा आधा घण्टा अगाडि खानुहोस् । क्यान्सरको उपचारको लागि खाँदै हुनुहुन्छ भने हरेक २ घन्टामा एक–दुई चम्चा सेवन गर्नुहोस् ।
हेल्थीटिप्सवर्ल्ड्स नेटका अनुसार डा. मेर्मेर्सकीका अनुसार यो औषधी दीर्घायू र स्वस्थ जीवनको लागि पनि सहयोगी हुनेछ । यो क्यान्सरको उपचारमा एकदमै लाभदायक हुनेछ । जवान देखिन र तागतका लागि पनि यो उपयोगी हुनेछ । यसले शरीरको मेटाबोलिज्म बढाउँछ र मृगौला र कलेजो सफा राख्न पनि यसले सहयोग गर्दछ । यसले शरीरमा रोगको विरुद्ध लड्ने क्षमता पनि बचाउँछ ।
असार १३ । यार्सागुम्वासहित बर्दियाका एक ब्यक्ति दाङमा पक्राउ परेका छन् ।

झण्डै एक किलो यार्सागुम्सा सहित बर्दियाको कालिका ५ सितलबजार घर भएका ५१ बर्षिय करणसिंह सुनार पक्राउ परेका हुन् ।

दाङ तुलसीपुर नगरपालिका ६ हात्तिखौवामा डेरा गरि बस्दै आएका सुनारलाई ९ सय २० ग्राम यार्सागुम्बा सहित नियन्त्रणमा लिइएको इलाका प्रहरी कार्यालय तुलसीपुरले जनाएको छ ।


उक्त यार्सागुम्बा मुगुबाट केही बर्ष पहिले नै ल्याएर राखेको बताएका सुनारलाई आबस्यक कारबाहीका लागि जिल्ला वन कार्यालयमा बुझाईने इलाका प्रहरी कार्यालय तुलसीपुरका प्रमुख कृष्ण प्रसाँईले बताएका छन् ।

मानिसले चर्चामा आउनका लागी बिभिन्न अनौठा हर्कत,यस्तै चटकी छन् गर्ने गर्दछन् ।चीनको जिलिन सहरमा ५४ वर्षका कोन्ग यान नामका ती मानिस आफ्नो टाउकोमा ढुंगा बोकेर हिँडिरहन्छन् ।टाउकोमा ढुंगा बोकेर हिड्ने बानीकै कारण यिनको तस्वीर इन्टरनेटमा चर्चित बनिरहेको छ ।


आफ्नो दिनहुँ साँघुरा भन्दा साँघुरा गल्लीमा हिँड्नुपर्दा पनि टाउकोमा उक्त ४० किलोको ढुंगा बोकेर हिड्ने गरेको उनी बताउँछन्  । यसरी टाउकोमा विना काममा ढुंगा बोकेर हिड्नु उनको कुनै मानसिक अस्वस्थता होइन । वास्तवमा आफ्नो जिउको वजन घटाउनका लागि कोन्गले टाउकोमा झण्डै आधा क्विन्टलको ढुंगा बोकेर हिड्ने गरेका हुन् ।

आफुले तिन वर्षदेखि यसो गर्दै आएको र यसो गर्दा आफ्नो तौल ३० किलो सम्मले घटेको उनी बताउँछन् । त्यस्तो अभ्यास गर्नुअघि उनको जिउको तौल ११५ किलो थियो । जुन अहिले ८५ किलोमा झरेको छ ।

आफुले जिउको तन्दुरुस्तीका लागि टाउकोमा ढुंगा बोक्ने व्यायाम गरिरहको भएपनि मानिसहरुले भने अचम्म मान्ने गरेको र आफूलाई गलत सम्झिने गरेको उनको गुनासो छ । तर आफुलाई यसले कुनै फरक नपार्ने भएकाले व्यायाम जाी राख्ने र गिनिज बुकमा नाम दर्ज गराउनका लागि प्रयास अघि बढाउने उनी बताउँछन् ।
धेरै लसुनलाई खाना स्वादिस्ट बनाउने मसला ठान्छन्। यस उपादेयता यति मात्रै ठान्नु लसुनप्रतिको ठूलो अन्याय हो। मानव स्वास्थ्यका लागि धेरै लाभदायी गुण हुन्छन् लसुनसँग। कति प्रकारका रोगब्याधि लसुनले ढिम्किनै दिँदैन, कतिलाई लखेट्छ। लसुनमा एलिएम नामको एन्टिबायोटिक हुन्छ। जसले प्राकृतिक एन्टिबायोटिकका रुपमा काम गरिरहेको हुन्छ। स्वास्थ्यका लागि फाइदा गर्ने भएकैले विश्वका हरेक ठाउँमा यसको प्रयोग जरुरी ठानिएको हो।

एसिडिटीको समस्यामा यसको प्रयोग असाध्यै लाभदायी मानिन्छ । लसुनले उच्च रक्तचाप कन्ट्रोल गर्न मद्दत गर्छ। यसले रगत प्रसारणमा नियन्त्रण गरेर कतिपय अवस्थामा मुटुका रोग लाग्नबाट समेत जोगाउँछ।
पेटका रोग जस्तै डाइरियाका लागि यसको प्रयोग असाध्यै प्रभावकारी ठानिएको छ । त्यसैगरी प्राचन प्रक्रियालाई यसले सघाउँछ। आत्तिने वा तनावबाट सिर्जना हुने एसिडिटी कन्ट्रोल गर्न पनि काम आउछ।

लसुनमा रहेको डिटक्सिफिकेसन गुणका कारण विश्वमैं वैकल्पिक चिकित्सामा यसलाई सबभन्दा राम्रो खाद्य सामग्री मानिएको हो। यो त्यति  शक्तिशाली हुन्छ, कतिपय परजीविलाई शरीरभित्रै सिध्याइदिन्छ। मधुमेह र कति प्रकारका क्यान्सर समेत निको गर्न यसले मद्दत गर्छ। लसुन श्वासप्रश्वास प्रणालीका लागि पनि राम्रो हुन्छ। यसले टिबी, दम, निमोनिया, रुघालगायतका रोगको रोकथाम गर्न सक्छ।

टीबी रोगको समस्या भएकाहरुले बिहानै खाली पेटमा यसको प्रयोग गर्नु उपयुक्त हुन्छ। दाँतको दुखाइमा पनि यसको प्रयोग गुणकारी हुन्छ। फूलका समस्यमा पनि बिहान उठ्नेबित्तिकै मनतातो पानीसँग यसको प्रयोग गर्न लाभदायक हुन्छ।
अहिलेका मानिस मुश्किलले ६०–७० वर्षको उमेरसम्म बाँच्ने गर्दछन् । ७०–८० को उमेरपछि हरेक वृद्धवृद्धा आफ्नो मृत्युको प्रतिक्षा गरिरहेको देख्न पाइन्छ र आफ्नो अन्तिम समयका बारेमा सोच्न थाल्छन् । तर, यहाँ एउटा घटना ठिक त्यसविपरीत देखिएको छ।

यहाँ त्यस्ता व्यक्तिका विषयमा उल्लेख गरिँदैछ, जो पछिल्लो १८१ वर्षदेखि जिवित छन् र आफ्नो मृत्युको प्रतिक्षा गरिरहेका छन् । भारतको वाराणसी निवासी महाष्टा मुरासी नामका यी वृद्ध कयौ वर्षदेखि मृत्युको प्रतिक्षमा छन् । मुरासी भन्छन्–मृत्युले मेरो घरै भूल्यो । म मृत्युको प्रतिक्षा गरिरहेको छु, तर उ आउने नामै लिँदैन । मुरासीका अनुसार उनको जन्म जनवरी १८३५ मा बेंगलुरुमा भएको थियो । सन् १९०३ मा मुरासी वाराणसी आए र त्यसपछि यही छन् । उनले १२२ वर्षसम्मको उमेरसम्म एउटा मोचीको काम गरे । यो कामबाट मुरासी सन् १९५७ मा निवृत्त भए । उनको उमेरलाई ध्यानमा राखेर मानिसहरु उनलाई दैवीय शक्ति मान्छन्। महाष्टा मुरासीले कयौपटक अधिकारीहरुलार्य आफ्नो जन्मको प्रमाणपत्र र पहिचानपत्र पनि देखाइसकेका छन् । कयौपटक उनको मेडिकल टेस्ट पनि गरिसकिएको छ, तैपनि उनको वास्तविक उमेरका पिवषयमा चिकित्सकहरु अहिले पनि सशंकित छन् । चिकित्सकहरु मुरासीलार्य भगवानको रहस्य नै मान्छन् ।




काठमाडौं, ९ असार । काट्न लागेको राँगो रन्थनिँदै भागेपछि शहिद गेटमा खैलाबैला भएको छ । टेकु तिरबाट राता आँखा देखाउँदै जोडले मच्चिदै आएको राँगाले शहिद गेटमा आइपुग्दा छ जना मानिसलाई घाइते बनाएको छ । राँगोले शहिदगेटमा आइपुग्दा बाटोमा हिंडेका बटुवा र बाइकमा सवार यात्रुलाई हान्दै हिँडेको थियो । भने एउटा कारलाई हानेर शीशामा प्वाल पारिदियो । राँगोका कारण शहीदगेट क्षेत्रमा केहीबेर तनाव भयो भने ट्राफिक जामसमेत हुन पुग्यो । यसरी अनियन्त्रीत हुँदै भागेको मुर्छित राँगोलाई महानगरीय प्रहरी परिसर अन्तरगतको जनसेवा प्रहरी र नगर प्रहरीको टोलीले बल्ल-तल्ल घेरा हालेर नियन्त्रणमा लिएका छन्। प्रहरीका अनुसार राँगो टेकुतर्फबाट आएको हो । टेकुमा थुप्रै राँगा काट्ने वधशालाहरु छन् । बधशालामा काट्न लाग्दा राँगो मुर्छित हुँदै भागेको हुनसक्ने प्रहरीले अनुमान गरेको छ । राँगोको टाउकोमा एउटा सानो चोट छ भने सिंङमा रातो अबिर पनि देखिएको छ । राँगोलाई अहिले टुँडीखेलमा बाँधेर राखिएको छ ।
हिजोआज ‘ग्रिन टि’ अर्थात् हरियो पत्ती चिया निकै चल्तीमा छ। स्वास्थ्यप्रति सचेत मध्यमवर्गीय परिवारमा हरियो पत्तीको चिया खानु एउटा नयाँ फेसन हुन थालेको छ।

चियाको प्रयोग प्राचीनकालमा विविध रोगबाट निवृत्त हुन उपयोग गरिन्थ्यो। यतिबेला संसारका वैज्ञानिक हरियो पत्ती चिया (ग्रिन टि)का विविध फाइदा तथा बेफाइदा पत्ता लगाउन व्यस्त छन्। अहिले क्यान्सर, रक्तचाप, कोलस्ट्रोल र अल्जाइमर्सजस्ता रोगलाई चियाले कम गर्न कसरी भूमिका खेल्छ र चियामा त्यस्ता के तत्व छन् भने उध्याउन व्यस्त छन्।

त्यसो त चिया खाएकै कारणले रोग निर्मूल पार्ने वा स्वास्थ्यमा गज्जबैको प्रभाव पार्ने कुनै प्रमाण वैज्ञानिकले फेला पारेका छैनन् तर हरियो चियामा पाइने इजिसिजी नामक तत्वले मस्तिष्कको क्रियाकलापमा तात्विक भिन्नता ल्याइदिने कुरामा भने उनीहरु पक्का छन्।

सन् २०१४ मा बसेल विश्वविद्यालयका न्युरोसाइकियाट्रीका प्राध्यापक स्टिफन बर्गवार्डले गरेको अध्ययनले चियामा पाइने तत्व इजिसिजीको सेवनका कारण चार हप्ताभित्रै १२ जनामा काम गर्ने शैलीमा भिन्नता पाइएको थियो।

‘स्वस्थ मानिसमा चिया पिउनाले स्मरणशक्ति बढाउने देखियो,’ बर्गवार्डले भने, ‘हुन त हामीले थोरैमाथि गरेको यो उपलब्धिमा शंका गर्ने ठाउँ प्रशस्त छ तर परिणाम निकै उत्साहप्रद भएकाले यसलाई बाहिरै ल्याउन हामीले उचित ठहर्‍यायौँ। हुनसक्छ, नियमित रुपमा चिया पिउँदा कतिपय रोग निको पार्न पनि सहयोग गर्ला!’

चियाले मानिसलाई बुढ्यौलीमा लाग्ने रोगहरु डिमेन्सिया (पागलपन) र अल्जाइमर्सका लागि पनि उपयोगी हुन सक्ने देखिएको छ।

पछिल्लो पटक डाउन सिन्ड्रोमका लागि पनि चियामा पाइने तत्व इजिसिजीले ठूलो काम गरेको वैज्ञानिकहरूको दाबी छ। प्रत्येक वर्ष संसारभर ३ हजारदेखि ५ हजार बालबालिका डाउन सिन्ड्रोम लिएरै जन्मिन्छन्। यस्ता बालबालिकाहरूमा अनुहार बिग्रने, आँखा टेढिने र सिक्न नसक्ने कैयौँ समस्या देखिन्छन्। त्यस्ता बालबालिकालाई चियामा पाइने इजिसिजीले पूर्ण रुपमा नभए पनि केही सहयोग गर्ने देखिएको वैज्ञानिकहरूको दाबी छ।

वैज्ञानिकहरूको अर्को समूहले गरेको अध्ययनले डाउन सिन्ड्रोम देखिएका ८७ व्यक्तिमा इजिसिजी तत्वयुक्त औषधि नियमित रुपमा एक वर्षसम्म सेवन गराइएको थियो। तिनलाई प्लासिबो (कुनै फाइदा वा हानि नपुर्‍याउने नक्कली औषधि)का गोटीसँगै अन्य कग्निटिभ (संज्ञानात्मक) तालिम पनि दिइएको थियो।

केही समयपछि के पाइयो भने इजिसिजीले दृश्यात्मक संस्मरण बढेको, प्रतिक्रियामाथि नियन्त्रण तथा गणना गर्ने क्षमता बढेको पाइयो। तिनको मस्तिष्कलाई स्क्यान गर्दा नसाका कोषबीचको जोड बढ्न थालेको र भाषा बु‰ने मस्तिष्कको भागको प्रगति देखिएको वैज्ञानिकको दाबी छ।

तर यस्तो प्रगति नै देखिएको भए पनि उपचारका लागि यो नै अन्तिम औषधि हो भनी भर पर्न नसकिने चिकित्सकको दाबी छ। यो अध्ययनमा पुरुष र स्त्रीबीचमै फरक परिणाम आएकाले पनि थप अनुसन्धान आवश्यक पर्ने शोधकर्ताहरू बताउँछन्।
नवलपरासी, ६ असार - युवा पत्रकार जीवन न्यौपानेका परिवारजनले आफ्नो आमाको जन्मदिनको अवसर पारी धुर्मुस सुन्तली फाउन्डेसनलाई आर्थिक सहयोग गरेका छन्।

परिवारले आमा कृष्णा न्यौपानेको ५४ वर्षको जन्मदिनको अवसर पारी फाउन्डेसनलाई रु ३१ हजार ५५५ आर्थिक सहयोग गरेका हुन्।

गत सालको भूकम्पमा परी घरबारविहीन भएकाका लागि सिन्धुपाल्चोकमा गिरान्चौर एकीकृत बस्ती निर्माणमा जुटेका सीताराम कट्टेल (धुर्मुस) र कुञ्जना घिमिरे (सुन्तली)ले उत्कृष्ट काम गरेको भन्दै कृष्णा न्यौपाने र दाई शिव न्यौपानेले काठमाडौँमा सीताराम कट्टेल (धुर्मुस)लाई भेटी उक्त आर्थिक सहयोग प्रदान गर्नुभएको थियो।

भुइँचालोले गर्दा घरबार विहीनका लागि एकीकृत बस्ती निर्माण गर्ने उद्देश्यले स्थापित धुर्मुस सुन्तली फाउन्डेसनलाई आफ्नो जन्मदिनको अवसर पारी उक्त रकम सहयोग गर्न पाएकोमा कृष्णाले खुसी व्यक्त गर्नुभयो।

हास्य कलाकार दम्पती धुर्मुस सुन्तली अभिनय अहिले भूकम्पपछिको बस्ती पुनःनिर्माण कार्यमा व्यस्त रहनुभएको छ। हाल ६५ परिवारका लागि रु चार करोडभन्दा बढीको अनुमानित लागतमा सिन्धुपाल्चोकमा निर्माणाधीन गिरान्चौर एकीकृत बस्ती निर्माणको लागि उहाँहरु खटिनुभएको छ।
अमेरिकामा एक महिलाले आफ्नो पाँच वर्षीय छोरालाई हिम सिंहको मुखबाट थुतेर बचाएकी छिन् ।अमेरिकाको कोलोराडोकी एक महिलाले उक्त हिम सिंहकोे टाउको निल्न खोज्दै गर्दा थुतेर छोराको ज्यान बचाएकी बीबीसीले जनाएको छ ।
गएको शुक्रबार आँगनमा खेलिरहेको छोरा चिच्याएपछि हेर्न पुगेकी ति महिलाले आफ्नो छोरामाथि हिम सिंहले आक्रमण गरिरहेको देखिन । हिम सिंहले छोराको टाउको निल्न खोजेको देखेपछि उनले चितुवाको मुखबाटै थुतेर छोराको उद्धार गर्न सफल भएकी हुन् ।

बालकको अनुहार, टाउको र घाँटीमा चोटपटक लागेको छ भने छोरोको उद्धार गरेकी ति महिलाको पनि चितुवाले टोकेको र कोतेरेका दाग देखिएको बीबीसीले उल्लेख गरेको छ । दुवैको उपचार भइरहेको छ ।
ती महिला र बालकको नाम भने उल्लेख गरिएको छैन ।

काठमाडौं, ६ असार - अफगानिस्तानको राजधानी काबुलमा सोमबार बिहान एउटा मिनीबसमाथि भएको बम आक्रमणमा नेपाली सुरक्षा गार्डहरु परेको आशंका गरिएको छ।

रोयटर्स समाचार संस्थाका अनुसार बसबाट शवहरु निकालिदै गरेको स्थानियले देखेका छन्। रोयटर्सलाई एक सरकारी सूत्रले जनाएअनुसार बसमा नेपाली सुरक्षा गार्डहरु रहेका थिए।

तर, अर्को सूत्रले भने बसमा अफगानिस्तानका सरकारी कर्मचारीहरु सवार भएको बताएको रायटर्सले जनाएको छ।



हस्त रेखा विज्ञानले मानिसको सबै कुरा हातका रेखाले निर्धारण गर्ने बताउँछ । यी रेखा हाम्रो जन्मकै क्रममा बन्ने र यीनको प्रभाव जीवनभर रहने बताइन्छ । यहाँ हामीले धनी हुने ब्यक्तिका हातका रेखा कस्ता हुन्छन् भन्ने विषयमा चर्चा गरेका छौं । जौको चिन्ह : समुन्द्र शास्त्रका अनुसार जुन ब्यक्तिको हातमा औंलाको जौ जस्तो चिन्ह हुन्छ त्यस्ता ब्यक्ति निक्कै धनीमानी र सुखी हुने बताइन्छ । यो चिन्ह हुने ब्यक्ति भाग्यमानी पनि हुने गर्छन् । समाजमा प्रतिष्ठिन हुने र राजनीतिमा लागे सफल राजनीतिज्ञ हुने हस्त रेखा विज्ञानको दावी छ । शंखको चिन्ह: अध्यात्मको दृष्टिले हातमा शंखको चिन्ह हुनु निक्कै राम्रो मानिन्छ । यस्ता चिन्ह भएका ब्यक्ति बुद्धीमान हुने बताइन्छ । जुन ब्यक्तिको चार वटा औंलामा शंकको चिन्ह छ त्यस्ता ब्यक्तिले सरकारी उच्च पदस्थ पद प्राप्त गर्ने सम्भावना हुन्छ । ५ बटै औंलामा यस्तो चिन्ह छ भने विदेश यात्रा भैरहने हुन्छ । विदेशमा धन आर्जन पनि राम्रो हुने मानिन्छ ~ जुन ब्यक्तिको ६ वटा औंलामा यस्तो चिन्ह छ औंलामा छ भने यसले धर्मकर्ममा विश्वास हुने ब्यक्ति जनाउँछ । यिनीहरु अध्यात्मिक प्रवचनमा पनि तीक्ष्ण हुन्छन् । १० बटै औंलामा शंख हुने ब्यक्ति महात्मा हुन्छ भने ८ वटा शंख हुने सुखी र धनी हुन्छन् हस्त रेखामा हातमा हुने चक्रकोबारेमा पनि चर्चा गरिएको छ । जुन ब्यक्तिको १० वटै औंलामा चक्र छ भने त्यसता ब्यक्ति संसार जित्ने ब्यक्ति हुन्छन् । १ मात्र औंलामा चक्र भएमा विद्वान हुन्छ । २ औंलामा चक्र छ भने सुन्दर हुने मानिन्छ । भने ३ औंलामा चक्र हुने ब्यक्ति सुखी हुन्छन् र यस्ता ब्यक्तिलाई भोग र विलाश मन पर्छ । सूर्य पर्वत : हातको अनामिका औंलाको फेंदमा सूर्य पर्वत हुन्छ । सूर्यको सम्बन्ध राजनीतिक र सरकारी उच्च क्षेत्रसँग मानिन्छ । सूर्य रेखा सफा छ भने यस्ता ब्यक्ति सरकारी उच्च पदमा पुग्छन् । त्यसमा त्रिभुज समेत छ भने उनीहरुको प्रभाव देशमा मात्र होइन विदेशमा समेत हुन्छ ।

Older Posts Home
Recent Updates
Current Views
Copyright © 2016. All Rights Reserved. Public Online Khabar