छोराले गरे वृद्ध बुवासहित दुईको हत्या
३६ वर्षीय छोरा तीर्थराज घलेले शुक्रबार ढोकाको गजबार र चिर्पटले हान्दा उनले ज्यान गुमाएका हुन् । ८४ वर्षीय माइला बुवा धनबहादुर घलेको पनि तीर्थबहादुरले हत्या गरेका छन् । बुवालाई चिर्पटप्रहार गरिरहेको समयमा छुट्याउन जाँदा उनलाई पनि प्रहार गरेका थिए ।
आफ्नै छोराको प्रहारबाट सख्त घाइते भएका दुई वृद्ध उपचारका लागि चितवन मेडिकल कलेज भरतपुर पुर्याइएको थियो ।
तर अस्पतालले ‘उपचार असम्भव’ भन्दै अस्पतालले फिर्ता पठाएपछि बेंसीशहर ल्याउँदै गर्दा शनीबार बाटोमै मृत्यु भएको प्रहरी नायव उपरीक्षक शम्भुप्रसाद ढकालले जानकारी दिए । उनीहरुको शवलाई पोष्टमार्टमपछि परिवारलाई बुझाइएको उनले बताए ।
राति झगडा गरेर तीर्थबहादुरले बुबामाथिसुरुमा ढोकामा लगाउने गजबार प्रहार गरेका थिए । त्यसपछि आमालाई लखेट्दै लगेको र पालैपालो आफन्तलाई अन्दाधुन्दा प्रहार गरेको स्थानीय दुधराज घलेले जानकारी दिए ।
अन्धाधुन्ध प्रहारबाट ७६ वर्षीया आफ्नै आमा बर्दी घले र माइलीआमा हिमचुली घले घाइते भएका छन् । उनीहरुलाई जिल्ला सामुदायिक अस्पतालमा उपचार पश्चात घर लगिएको छ ।
0 comments
Write Down Your Responses