शनिबार बेपत्ता भएका ५ वर्षीय बालकको शव गहुँ बारीमा फेला
प्रहरीले शनिबार बिहान १० बजे घरबाट खेल्ने क्रममा बेपत्ता भएका असरफको शव आइतबार बिहान घर नजिक गहुँ खेतमा हत्या गरेर फालिएको अवस्थामा फेला परेको बताएको छ ।
बालकको टाउकोमा चोट लागेका कारण कुटपीट तथा घाँटी थिचेर हत्या गरेको हुन सक्ने प्रहरीको आशंका छ । वैदेशिक रोजगारको शिलशिलामा बालकका बुबा कतारमा रहेका छन् । एक छोरा र दुई छोरी रहेको असरफका परिवारमा एक मात्र छोराको हत्या भएपछि आमा अपसना खातुन अचेत अवस्थामा छन् ।
बालकका काका सोमन राईनले असरफ घरबाट शनिबार बिहानै बेपत्ता भएको र आफूहरुले जिल्ला प्रहरी कार्यालयमा निवेदन दर्ता गराई आफन्त नातागोता कहाँ खोजखबर गर्दा फेला नपरेको र आइतबार बिहानै गहुँ खेतमा बालकको शव हत्या गरेर फालिएको अवस्थामा फेला परेको बताएका छन् ।
जिल्ला प्रहरी कार्यालय धनुषाका प्रहरी नायव उपरीक्षक नकुल खरेलले बालकको शवलाई पोष्टमार्टमको लागि जनकपुर अञ्चल अस्पतालमा राखिएको र घटनाको विषयमा थप अनुसन्धान भइरहेको जानकारी दिएका छन् ।
0 comments
Write Down Your Responses