अवैध लागु औषधसहित दुई युवक पक्राउ :: Read more news >>
अवैधरुपमा भारतबाट नेपाल ल्याउँदै गरेको लागू औषधसहित दुई जनालाई सशस्त्र प्रहरी बल त्रिनगरले पक्राउ गरेको हो ।
पक्राउ पर्नेमा धनगढी उपमहानगरपालिका ३ चटकपुरका १८ वर्षीय सतिश शाह र वडा नम्बर २ सन्तोषीटोलका २४ वर्षीय करन शाह रहेका छन् । पक्राउ परेका दुवैजनालाई सशस्त्र प्रहरीले जिल्ला प्रहरी कार्यालय कैलालीलाई बुझाएको छ।
सशस्त्र प्रहरी सहायक निरीक्षक धनबहादुर महतोको नेतृत्वमा रहेको प्रहरीले गएराति त्रिनगर भन्सार कार्यालय कैलालीको गेटमा चेकजाँचका क्रममा से ३ प २४५८ नम्बरको मोटरसाइकलमा सवार उनीहरुको साथबाट लागु औषध फेला पारेको थियो।
सशस्त्र प्रहरी निरीक्षक गोविन्दबहादुर सिंहले उनीहरुका साथबाट २ सय ५० ग्राम चरेश, नाइट्रोभेन १५ टयाब्लेट, स्माम्मो ७२ टयाबलेट र १०० एमएलका १५ सीसी कोरेक्स बरामद गरिएको जनाएका छन् ।
0 comments
Write Down Your Responses