सिरहामा आधा शरिर जलेको अवस्थामा महिलाको शव फेला
दुवै हातको हत्केला र खुट्टाको पैताला वर्ण गहुँ गोरी, हात र खुट्टाको नङहरुमा सेतो क्रिम कलरको नम्पालिस लगाएको जल्न बाँकि रहेको अवस्थामा एक महिलाको लाश फेला परेको जिल्ला प्रहरी कार्यालय सिरहाले जनाएको छ । आधा शरिर जलिसकेको हुनाले कपडा कुन लगाएको थियो भन्ने विषयमा पनि केहि खुल्न नसकेको प्रहरीको भनाई छ।
घटनास्थलमा रगतका छिटाहरु समेत देखिन्छ । शुक्रवार दिउँसो लाश फेलापरेपछि घटनास्थलमा स्थानीयको भिड लागेको थियो । त्यहाँ पुगेका अधिकांश व्यक्तिले कुनै न कुनै कारणले महिलाको हत्या गरी कोही नदेखास् भनेर नदीको छेउमा फालेको हुनसक्ने बताएका छन्। तर प्रहरीले घटनाबारे अनुसन्धान भईरहेको जनाएको छ।
0 comments
Write Down Your Responses