हाजिरी नपुगेका कास्कीका एक सय २९ विद्यार्थीले एसएलसी दिन नपाउने
अघिल्लो वर्ष एक सय ५९ विद्यार्थी परीक्षा दिनबाट वञ्चित भएका थिए । फारम भरेका विद्यार्थी पनि परीक्षामा सहभागी हुन नपाउनु दुःखको कुरा भएको जिल्ला शिक्षा कार्यालय कास्कीले जनाएको छ ।
चैत १८ गतेदेखि सुरु हुने एसएलसी परीक्षामा यो वर्ष कास्कीबाट नियमित तर्फ १० हजार चार सय ६७ र आंशिक तर्फ १२ सय ३ गरी कुल ११ हजार ६ सय ७० परीक्षार्थी सहभागी हुने छन् ।
कास्कीमा ३० वटा परीक्षा केन्द्र तोकिएकोमा सबै केन्द्रमा उत्तर पुस्तिका पुगिसकेको जिल्ला शिक्षा कार्यालय कास्कीले जनाएको छ । परीक्षामा ३० वटा केन्द्रको लागि ३० जना केन्द्राध्यक्ष, ५५ जना सहायक केन्द्राध्यक्ष, निरीक्षक ५ सय ६५, सहयोगी दुई सय ५५ र सुरक्षाकर्मी दुई सय १० जना खटिने छन्। \
0 comments
Write Down Your Responses