अब नेपालमै पेट्रोलःखोजी सुरु भिडियो हेर्न तलको बोक्समा क्लिक गर्नुहोस
धरानः चिनियाँ प्राविधिकहरुले सुनसरीको वराहक्षेत्रदेखि मोरङको बाहुनीसम्म सम्भावित पेट्रोल खानीको अन्वेषण सुरु गरेका छन् । चिनियाँ सरकारको प्राविधिक टोलीले सोमबारदेखि वराहक्षेत्रदेखि अन्वेषण थालेकाहुन् । चिनियाँ टोलीले सुनसरीको वराहक्षेत्रदेखि बाहुनीसम्म लिङकप देखेकाले पेट्रोलियम पदार्थको ठूलो भण्डार हुन सक्ने बताएका छन् ।
चिनियाँ टोलीले यसको रिपोर्ट तयारी गर्दै गरेको उद्योगमन्त्री सोमप्रसाद पाण्डले जानकारी दिए । अन्वेषणको लागि सम्पूर्ण लागत चिनियाँ सरकारले व्यहोरेको मन्त्री पाण्डेले बताए । भने, ‘यो कुनै ठेक्कापट्टा होइन, चिनियाँ सरकारले सहयोग गरेको हो ।’
मोरङको बाहुनीमा अन्वेषण सुरु
2
मोरङको बाहुनी गाविस–९ राधानगरको सम्भावित पेट्रोल खानीमा चिनियाँ प्राविधिकहरुले अन्वेषण सुरु गरेका छन् । ब्लक नं. १० मा रहेको राधानगरको पेट्रोल खानी ३० वर्षअघि पत्ता लागेको थियो ।
२०४३ सालमा पञ्चायतकालीन सरकारले अमेरिका र बेलायती प्राविधिकको सहयोगमा नेपालको खानी तथा भूगर्भ अन्वेषण गर्ने क्रममा पेट्रोलियम पदार्थको भण्डार रहेको पत्ता लागेको थियो । खानीको उत्खनन्का लागि ३७ सय मिटर जमिनमुनि पाइप भसाएर त्यहाँको तरल पदार्थको परीक्षण लागि नमूना सङ्कलन भएको थियो ।
नेपालमा पेट्रोलियम पदार्थ प्रशोधनका लागि महङ्गो पर्ने कारण देखाएर खानी अन्वेषण स्थगन गरिएको भन्ने जनमानसमा सम्प्रेषण गरिएको थियो । राधानगरमा पेट्रोल खानी सञ्चालनका लागि तीन बिघा तीन कठ्ठा व्यक्तिको जग्गा समेत मुआब्जा दिएर सरकारले घेराबेरा गरी राखेको छ ।
पञ्चायती व्यवस्था ढल्ने बेलामा शुरु गरिएको खानी सञ्चालन एकाएक बन्द भएपछि स्थानीयले विभिन्न अनुमान लगाएका थिए । कतिपयले नेपालमा खानी सञ्चालन भयो भने भारतको पेट्रोल खानीको भण्डारमा प्रभाव पर्ने भएकोले भारतीय दबावमै योजना रोकिएको बताउँदै आएका थिए ।
मङ्गलबार खानीको स्थलगत निरीक्षण गर्दै उद्योगमन्त्री सोमप्रसाद पाण्डेले अबको तीन वर्षभित्र अन्वेषण कार्य सकिने बताए । नेपाल र चीन सरकारबीच भएको सम्झौताअनुसार नेपालका सम्भावित पेट्रोल खानीहरुको अन्वेषण गर्ने कार्यक्रम रहेको मन्त्री पाण्डेले बताए ।
पेट्रोलियम पदार्थको अवस्था, व्यावसायिक खानी सञ्चालन गर्ने सम्भावनाको लेखाजोखा गरेर सरकारले थप कार्य अघि बढाउने पाण्डेको भनाइ छ । खानीको अन्वेषणका लागि चीनबाट सातजनाको प्राविधिक टोली नेपाल आएको छ । नेपाल आएको चिनियाँ प्राविधिक टोलीले बाहुनीसहित नेपालका अन्य दशवटा खानीको अन्वेषण गर्ने पाण्डेले जानकारी दिए ।
धनगढी, कर्णाली, नेपालगञ्ज, लुम्बिनी, चितवन, वीरगञ्ज, मलङ्गवा, जनकपुर, राजविराज र मोरङमा गरी नेपालमा दशवटा खानी रहेको पाण्डेले बताए । त्यसलाई दशवटा ब्लकमा विभाजन गरिएको र मोरङको खानी ब्लक नं. १० मा पर्ने उनको भनाइ थियो ।
0 comments
Write Down Your Responses